مامتك بتقولك كده ولا لاء(اكيد ايوة)ادخل وشوف والله جامدة

اشهر الجمل اللى بيقولها الأب والأم فى مصر

على مر مراحل العمرسواء الطفولة او المراهقة او الشباب

فى كذا جملة لازم يتقالوا فى اغلب البيوت ده اذا ما كانش كل البيوت

*مش عايزة اسمع صوت

*ما تردش عليا

*لو مش فاهم حاجة ارفع ايدك واقول للأستاذ مش فاهم ... ماتتكسفش

*قوم صلى ربنا يهديك

*اطفى التليفزيون واقوم ذاكر... التمثيلية مش حتنفعك بحاجة

*كل على مهلك وامضغ الأكل كويس

*كفاية رغى فى التليفون بأة

*ما تقفش فى تيارات الهوا وانت مستحمى

*ما تعليش صوتك عليا

*يا بنى اللى ذاكر ذاكر وخلاص ... اقوم نام

*ادى دقنى اهه لو فلحت

*بلاش تلعب بالمقص ... بيجيب الفقر

*يا بنى كلم خالتك العيانة اسال عليها

*اوعى حد غريب فى الشارع يديلك حاجة وتاخدها

*عيب لازم تحترم اللى اكبر منك

*انت فاكرنى قاعد على تل فلوس ... اجيبلك منين

*انت ما بتشبعش طلبات

*قوم اقرالك كلمتين ينفعوك

*ما تتكلمش بصوت عالى فى الحمام

* والله ما انت فالح السنه دى

*ما تلزقش فى التليفزيون كدة ... نظرك حيضعف

*مش شايف ابن عمك فالح ازاى ... ياريت تبقى ربعه

*اللى بيعوز يذاكر بيذاكر انشا لله حتى على لمبة جاز

*ربنا يرزقك بعيال يوروك اللى ورتهولى

* اقلع الشوز قبل ما تدخل من باب الشقه

*حول القناة دى بلاش مسخرة وقلة ادب

*طلع ايدك من جيبك وانت بتكلمنى

*ما تحطيش ايدك فى جنبك وانتى بتكلمينى

*بتبرطم بتقول ايه

*انت فاكر انك كبرت خلاص ... مش حتكبر عليا

دى اشهر الجمل اللى بتتقال فى مصر

اللى بيتقالوا حاجه تانيه وعايز يضيفها يحطها

اما انا الجمله اللى بتتقالى دايما

يابنتى قومى نامى الساعه بقت واحده ونص وراكى كليه بكره بدرى

للعلم التوبيك منقول

يارب التوبيك يعجبكم يارب وياريت كله يقولى بيتقاله كده ولا لاء
انا عن نفسى فى بعض الكلام بيتقالى
سلاموووووووووووووووووووووز